搜查線:藥房貓店長被擄 網民發功人貓重逢

作者:Colorfully 發表日期:2017-06-04 02:27:01

「依家唔畀佢出去巡舖,見佢行出舖就會捉返佢入嚟。」早前網上流傳一段老翁在荃灣一間藥房外偷貓的閉路電視片段,老翁以純熟手法,5秒抱走藥房飼養的貓店長「小音」,主人黃先生憂心愛貓落入魔掌,將影片交給友人在網上廣傳,經網民發功一日即尋回「小音」。牠近日已重返藥房坐鎮,可愛如昔,不過不會像以往般在外「巡舖」,以免再成偷貓賊目標。

憶述「小音」被偷走,黃先生仍猶有餘悸:「有人認得佢(偷貓老翁)喺其他區都有出現過,包括西環同大埔,聽人講話唔係捉返去養,而係食。」黃先生半年前在藥房飼養由朋友所贈的貓貓「小音」,牠喜歡做巡舖員:「佢鍾意走嚟走去,喺呢條街幾個舖位巡邏,通常一開舖就會出去行,晏晝就會返嚟之後又出過去。」

不過,在事發的4月6日,直至收舖都未見「小音」返回藥房:「睇返閉路電視,先知道被人擄走,大約係朝早10時45分畀人偷走。」從閉路電視可見,擄走「小音」的是一位伯伯,當時「小音」坐在藥房門外,伯伯經過藥房門口,摸了牠幾下,就一手將牠抱走離開。

驚覺愛貓被偷走的黃先生立即將閉路電視片段分享予友人求助,友人協助聯絡愛貓人士,於facebook的貓貓群組上載片段廣傳,幸好不久就收到好消息。「小音」被附近金舖店員於二陂坊公園發現,收留在家中。翌日晚上,黃生就與對方確認,接牠回家。他大呼好彩,「(小音)返到嚟好驚震晒,之前帶佢出去打針都好驚,不過今次真係好好彩,有人懸紅幾千蚊都搵唔返。」

每日都於藥房坐鎮的「小音」十分嬌嗲,更「任摸唔嬲」,一直以來俘虜了不少粉絲。而「小音」被擄走的一個晚上,擔心的不單止黃生,一班粉絲亦忐忑不安,幸好最後小音能成功逃離魔掌。今次能夠人貓重逢,他相信全因「小音」身手敏捷:「應該係佢掙扎逃脫,伯伯咁老又追唔到佢。」

但涉偷貓老翁如今相信仍四處出沒,威脅一眾貓貓安危。為免「小音」再成為目標,黃先生亦化身保安:「依家唔畀佢出去巡舖,但又唔想綁住佢,惟有睇實佢,見佢行出舖就會捉返佢入嚟。」他多次強調,「喺呢區第一次發生,以前都無出現過偷貓嘅事。」他及街坊都會打醒十二分精神,如果偷貓老翁再出沒就會通知警方,避免再有貓貓受害。

--------------------------------------
《魔法軍團Z》魔法與鋼鐵の戰正式啟動!

日系機甲戰棋手機遊戲《魔法軍團Z》好評配信中!

遊戲下載:http://s.gameone.com/fYw4ilj


本文來源:http://hk.on.cc/hk/bkn/cnt/news/20170414/bkn-20170414060050728-0414_00822_001.html

本文固定鏈接: http://www.adonjewelry.com/12939.html
轉載請注明:Colorfully 2017-06-04 02:27:01 於 香港最新資訊 發表

上一篇: :下一篇
返回頂部