硬撼河野公平!曹星如為22連勝練到嘔

作者:Aimee 發表日期:2017-08-15 17:02:02

由「DEF Promotions」舉辦的《王者對決3》於10月7日在容納8000人的灣仔會展Hall 5BC舉行,壓軸重頭戲是由力爭22連勝的香港「神奇小子」曹星如,迎戰日本拳王河野公平的矚目大戰,比賽將進行12回合對決,Rex會力爭衞冕WBO超蠅量級國際拳王金腰帶。賽會周二(15日)於香港萬麗海景酒店舉行賽事發布會,Rex及外號「Tough Boy」的河野齊齊現身出席。

Rex今年3月擊敗向井寬史取得21連勝後,於6月尾已重新投入訓練,不過Rex之前的傷患仍未完全康復,依然周身痛,但他笑言已由以前一星期痛4至5日,到現在一星期只痛1至2日,所以今次比賽Rex將會留港備戰,以便物理治療團隊隨時應付訓練中的受傷情況。Rex坦言今次賽前準備「練到想嘔」:「我過去一星期都有練到想嘔嘅感覺,因為我今次訓練係同兩位拳手打車輪戰,其中一位更加係WBC輕量級青年世界拳王渡邊卓也,佢所屬重量級別比我高。我同兩位拳手各打4回合,總共8個回合,同渡邊打嘅時候發現佢技巧多變,有時我會模仿佢嘅拳法,令我多咗概念去攻擊同擾亂對手。」

河野公平與Rex的對戰講足兩年,今次比賽最特別的地方,就是合約條款中加入「Rematch」一項,假如Rex於今次對賽中不幸落敗,將有優先權於6個月內再次迎戰河野,但Rex反而以平常心面對今次安排:「我會每場比賽盡力做到最好,之後嘅嘢唔會諗咁多,亦唔會去預計勝算。」Rex又認為自己在比賽打應利用距離優勢去搶攻,但臨場發揮始終有變化,加上河野比自己多12回合戰的比賽經驗,因此相信比賽會相當精彩!

《王者對決3》同場亦有WBC輕量級青年世界拳王渡邊卓也,以及OPBF女子超雛量級拳后後藤亞由美出戰,分別爭奪WBO 洲際超羽量級冠軍腰帶及OPBF女子超雛量級亞太區冠軍,是香港職業拳擊界首次同場爭奪3條金腰帶的賽事。賽事由即日起透過快達票公開售票,想親身支持Rex的拳迷記得盡快撲飛!



東網體育同你追實體壇每個精彩時刻! 
http://bit.ly/2ecTF2A 


本文来源:http://hk.on.cc/hk/bkn/cnt/sport/20170815/bkn-20170815145849641-0815_00882_001.html

本文固定鏈接: http://www.adonjewelry.com/22853.html
轉載請注明:Aimee 2017-08-15 17:02:02 於 香港最新資訊 發表

上一篇: :下一篇
返回頂部