港超聯 傑志主場接受夢想FC挑戰

作者:Debra 發表日期:2017-09-10 02:02:07

收看直播,請按直播ICON,或按下面鏈結:
http://tv.on.cc/live 


「中銀人壽香港超級聯賽」周日(10日)上演兩場賽事,尾場由衞冕的傑志於旺角大球場迎戰新軍夢想FC,在揭幕戰憑前匈牙利國腳中場華杜斯一箭定江山勝東方龍獅的傑志,乘勇撲擊由不少年輕球員組成,並在首輪賽事迫和和富大埔的夢想FC。(東網on.cc周日下午5時30分直播)

朱志光:視乎狀態決定正選

傑志上周末在多達6位球員入選港隊出戰亞洲盃外圍賽的情況下,跟理文進行拍跳落敗1比2,至於港隊作客馬六甲一仗,除門將王振鵬沒上陣外,其餘「傑志5子」林嘉緯及黃洋分別踢了68及86分鐘,而艾里奧、艾力士及辛祖更踢足90分鐘。傑志主教練朱志光表示除保連奴外並無傷兵,但要視乎一眾大港腳的狀態,才決定今仗正選陣容︰「上周二晚港隊始終我哋有好多球員踢足90分鐘,今仗要視乎球員恢復情況作出唔同安排或準備,一班港腳狀態唔使懷疑,但佢哋要爭取時間回氣,而其他球員喺國際賽期間冇正式比賽,所以要喺兩者之中取平衡。」

梁志榮:打出部署隨時有bonus

在首輪賽事於和富大埔身上搶得1分的夢想FC,目前除羅梓駿外並無傷兵,惟鄭展龍於日前曾經中暑,今仗可能先作後備。夢想FC主教練梁志榮表示,對上仗表現感滿意,並強調不會給予壓力陣中年輕球員︰「年青球員上仗冇怯場,成功做到部署。我唔會畀壓力佢哋,壓力喺對手身上,只要盡力同做好紀律及部署就可以,呢場如果贏波甚至打和,都係一個bonus!」夢想FC隊長陳偉豪亦大讚隊中後輩︰「始終球隊新埋班,陣中近半球員冇港超經驗,佢哋需要時間適應,但我有信心,佢哋都好有質素同練波態度積極。今場肯定唔易踢,但只要服從教練指示盡量表現自己,我相信會有好嘅效果。」


本文来源:http://hk.on.cc/hk/bkn/cnt/sport/20170910/bkn-20170910005436732-0910_00882_001.html

本文固定鏈接: http://www.adonjewelry.com/26100.html
轉載請注明:Debra 2017-09-10 02:02:07 於 香港最新資訊 發表

上一篇: :下一篇
返回頂部