首頁 » » 搜查線:狗年影狗狗要影靚啲 3招避開常見錯誤!

搜查線:狗年影狗狗要影靚啲 3招避開常見錯誤!

作者:h 發表日期:h 分類:

今年是狗年,無論大狗定細狗,家中的寵物狗仔都加倍得寵!一班主人帶狗狗出去「威」的時候,都會想為愛犬影張靚相留念。狗狗蹦蹦跳跳四處跑,即使相機手機如何先進,想影張靚靚寵物相並非易事。不過只要配合適當技巧,「捕捉多於擺佈」,拍出的照片就會有意想不到的好效果。今次東網找來專門拍攝寵物的攝影達人,教大家數個影狗仔的秘訣,以及避開常犯錯誤!

要狗狗一到埗便「開波」影相,其實好有難度。犬隻行為訓練師兼寵物攝影師小明指出,平日拍攝寵物照,主人帶同狗隻到場後,他會先讓狗狗「warm up」,自由探索一下。如在室外環境,更可讓牠們四處跑跳,熟習四周。

正式舉機拍攝時,首要注重的是光線,「最好就擺喺啲光猛少少,或者係啲光線靚啲嘅位置!」小明提醒,狗仔不一定肯停在光線好的位置,這時候主人就要自行「走位」,找一個較理想的方向面對狗仔,避免背光或過暗。

狗狗好奇心旺盛,不習慣面對鏡頭的牠們,主人一不為意就會偷偷竄開走去玩。要吸引牠們視線,又有甚麼方法?「好多時未必需要直接訓練,我哋會用聲、用嘢食,或者係有啲人喺攝影師後面擾擾攘攘,引起佢哋注意!」小明建議,拍攝時可將零食或玩具放於相機頂部,狗狗眼神就會對正鏡頭,自然可以拍到狗狗的正面照!

「唔好要狗仔hold得太耐,同埋唔好用閃光燈!」小明提醒,主人不要抱着「一定要影到」的心態強迫寵物,否則只會「兩敗俱傷」,因主人心情煩躁的同時,狗狗也會感受壓力,繼而討厭影相。至於閃光燈,雖然常見於一般攝影活動,不過拍攝狗狗時就可免則免,「咁近距離閃,其實對佢哋(狗狗)一來傷眼,二來會辛苦,而且閃光燈直接閃落隻狗度,佢哋隻眼會反光,出現紅眼藍眼綠眼等等,張相都唔會靚!」

「主人真係想佢可以hold到耐少少嘅話,坊間有啲訓練係教sit stay或者down stay,得閒可以同佢哋練習下!」不過,即使是久經訓練,毛孩並非機器,維持數分鐘後就要「抖一抖」。總而言之,狗狗性格就如小朋友,主人與他們相處,必需以耐性行先。只要培養出良好關係,要捕捉狗狗萌樣並影出靚相,並非不可能的任務!

-----------------------

《骰寶坊》誠邀各地【賭王】【賭後】挑戰神人境界,每日更有百萬籌碼等你領取!

立即免費下載,體驗《骰寶坊》最真實、刺激的多人在線骰寶遊戲!

遊戲下載:https://goo.gl/i2t1yj


本文來源:http://hk.on.cc/hk/bkn/cnt/news/20180228/bkn-20180228060045217-0228_00822_001.html

Tag:
本文鏈接:http://www.adonjewelry.com/86076.html