首頁 » » 政Whats噏:預算案6千問 邊個議員問千條?

政Whats噏:預算案6千問 邊個議員問千條?

作者:h 發表日期:h 分類:

政府喺上月底發表財政預算案,按程序立法會議員會就預算案作書面提問,官員則會盡量喺財委會上回應。據了解,今年秘書處一共接獲6403條書面提問,較去年跌逾900條,一反往年只升不跌的情況,首5名「問題議員」都係泛民包攬,其中工黨張超雄再度成「問題王」,提出1000條問題,而最被關注嘅部門係社會福利署,有698條提問。

立法會秘書處尋日(7日)凌晨截收議員就預算案提出的書面問題。據了解,今年秘書處一共收到6403條書面提問,與去年的7321條,減少918條,跌12.5%。不過現屆立法會有6人被取消議員資格,實際議員人數只有64人,今次有63人提出書面問題,每人平均提出約101條問題。

根據初步統計,今年嘅「問題議員」首5位,包括有提出1000條問題的張超雄、提出379條問題的邵家臻、提出334條問題嘅公民黨(公文袋)郭家麒。同屬公文袋嘅譚文豪同陳淑莊,分別提出321條及268條,排第4及第5。

至於備受關注首5個政府部門,依次係社署,有698條,其次係教育局,有477條,第3位係食物及衞生局(衞生科),有325條。排第4及第5位則是商經局(工商及旅遊科)和發展局(規劃地政科),分別有226條及210條提問。相信張超雄同邵家臻都為社署「貢獻」唔少,同埋亦可能因為今年政府派糖不均,薄基層厚中產,令社署成箭靶!


本文來源:http://hk.on.cc/hk/bkn/cnt/news/20180308/bkn-20180308113013048-0308_00822_001.html

Tag:
本文鏈接:http://www.adonjewelry.com/89370.html